|
परम गुरु चिङ्ग हाईको संक्षिप्त जीवनी
परम गुरु चिङ्ग हाईको जन्म औलाक -भियतनाम) को एक धनाढ्य तथा प्रतिष्ठित प्राकृतिक चिकित्सकको परिवारमा भएको थियो ।
वहाँ आफू क्याथोलिक -क्रिश्चियन) वातावरणमा हुर्केकी भएपनि वहाँले आफ्नो हजुरआमाबाट बौद्ध धर्मबारे प्रारम्भिक ज्ञान हासिल
गर्नुभएको थियो । वहाँ वाल्यकालदेखि नै दर्शनशास्त्र र धार्मिक उपदेशहरूमा असामान्य रुचि राख्ने र साथ-साथै सबै चेतनशिल प्राणिहरू
प्रति असाधारण कृपालु दृष्टिकोण राख्ने गर्नुहुन्थ्यो ।
अठार वर्ष हुँदा परम गुरु चिङ्ग हाई अध्ययनका लागि इङ्गल्याण्ड जानुभयो
र त्यसपछि रेडक्रसमा काम गर्नका लागि फ्रान्स र जर्मनी जानु भई एक जर्मन वैज्ञानिकसंग विवाह गर्नुभयो ।
दुई वर्षको सुखद वैवाहिक जीवनपछि आफ्नो वाल्यकाल देखिको आदर्शको परिपूर्ति गर्न वा आत्मज्ञानको खोजी
गर्नका लागि आफ्नो श्रीमानसंग स्वीकृति लिई यस वैवाहिक जीवनलाई परित्याग गर्नुभयो । अनि आफ्ना शिक्षक
तथा गुरुहरूका निर्देशनमा धेरै प्रकारका ध्यानाभ्यास तथा अनुशासनहरू अध्ययन गर्नु वा सिक्नु भयो । त्यसबाट
वहाँलाई यस कुराको ज्ञान भयो कि एक व्यक्तिद्वारा मात्र यस दुःखी मनुष्य जातिलाई सहायता गर्नु निर्रथक छ,
त्यसैले मनुष्यजातिको उद्धार गर्नु भनेको आफैंले सत्यको साक्षात्कार गर्नु र पूर्ण आत्मज्ञान प्राप्त गर्न सक्नु हो
भन्ने निश्चित गर्नुभयो । यसैलाई आफ्नो एकमात्र लक्ष्य मानी आत्मज्ञानको सम्पूर्ण तरीकाको खोजी गर्न वहाँले
विभिन्न देशहरूमा भ्रमण गर्नुभयो ।
धेरै वर्षको कठिन जाँच, परिक्षा र कष्टहरूपछि मात्र अन्त्यमा परम गुरु चिङ्ग हाईले
क्वान यिन विधिद्वारा हिमालयमा दैवीय शक्तिको प्रेषण पाउनुभयो । हिमालयमा शिविरको दौरान, केही वर्षको
अथक परिश्रम तथा अभ्यासपछि वहाँले सम्पूर्ण आत्मज्ञान प्राप्त गर्नुभयो अर्थात् सत्यको साक्षात्कार गर्नुभयो ।
परम गुरु चिङ्ग हाईले साक्षात्कारको केही वर्षसम्म शान्त तथा बौद्ध भिक्षुणीको जीवन
बिताउनुभयो । जबसम्म मानिसहरूले वहाँबाट निर्देशन वा दीक्षा आदिको चाहना गरेनन् तबसम्म लजालु स्वभावका
कारण वहाँले बहुमूल्य खजानालाई गोप्य नै राख्नुभयो तर फर्मोसा -ताईवान) का पूर्व शिष्यहरू र अमेरिकाका अरु
चेलाहरूका हठी आकांक्षा र प्रयत्नले गर्दा मात्र परम गुरु चिङ्ग हाईले विश्वभरि नै प्रवचन दिने तथा दशौं हजार
इमान्दार आध्यात्मिक आकांक्षीहरूलाई दीक्षित गर्ने गर्नुभएको छ ।
आज विभिन्न देश तथा सबै धर्मका सत्य अन्वेषकहरू वहाँका परम ज्ञान सुन्न ओइरिरहेका
छन् । पूर्ण इमान्दारीका साथ यस क्वान यिन तरीकाबाट परम ज्ञान प्राप्त गर्न तथा अभ्यास गर्न उत्सुक व्यक्तिहरूलाई
परम गुरु चिङ्ग हाईले दीक्षा दिने र अरु आध्यात्मिक निर्देशन पनि दिने गर्नुहुन्छ । वहाँका अनुसार यो विधि उच्च र
महान विधि हो ।
|
QUICK
LINKS
